Ki mai nei ko te Wharehuia

 Kī Mai nei a Te Wharehuia

(He ngeri mō te reo Māori)

Nā Tā Tīmoti Kāretu

Kī mai nei a Te Wharehuia

‘Whakahokia mai! Whakahokia  mai!

Mai i te mata o te pene ki te mata o te arero

Kei noho kau noa hei reo mō te pepa, te pene

Tē titi kē ai ki te poho, ki te ngākau aroha’

Inā moe ko te tipu ki te whenua

Ka kore ko te pūāwai, te manahua

Inā toua ki te one haumako, ki te ngākau o te tangata

Me pēhea e kore ai e tūperepere, e pāhau tea

E rangona ai tō kakara, e tōku reo, e ō iwi puta noa

I Te Waka, i Te Ika a Māui tikitiki-a-Taranga e takoto nei?

He aha te aha ka pahawa i te uapare?  He kore! He kore! He kore!

He aha te aha ka pahawa i te hurikiko? He nui! He nui! He nui!

Tēnā kia whakatōrea ake – kia whati mai ko te tai pari ki uta me pao

Waihoki kainga te kai kei ao ake te rā, he tau nihoroa

Engari kē ia me tau hāwere, me tau pōike, tau atu, tau atu

Kei tōku reo, auraki mai rā, waihape mai rā

Ki tōku poho, ki tōku ngākau, ki tōku arero, ki tōku katoa

Kia ora tonu ai koe i ngā tau tini, tau mano

Mō te ake, ake, haere ake nei.  Hei!

Te Reanga Morehu o Ratana (2023)

Intro: G-C-G-C

G      C

E Ihowa

D                         G

Tapu rawa tō Ingoa

Em                     C

Anei mātou ngā mōrehu

F                          D

E whakamoemiti nei

G         C  D                          G

Homai rā he taro mō te wairua

      Em           C                    F                    D    

Ko piki ora, piki te kaha, me te maramatanga

G                        C   Am

Kia piri mai e Ihowa ki tō iwi mōrehu

     D

E inoi atu nei

G                             C

Arahina mātou e Ihowa

Am                     D

Ki roto ki tō aroha

G

Ataahua

G                    C

Ko koe rā e Ihowa

D                    G

To mātou piringa

Em

Ko koe te Ārepa 

C

Ko koe te Omega

F                D

Ka puta, ka ora

Em                                                    C

Horohia mai he mārmatanga ki te whenua

G                                                D

Kia rongo i ake i te kaha o to korōria

Em                                                    C

E tū whakaiti ana mātou ki te whakamoemiti

        F               D                     

Hohana, Hariruia!

Kia piri mai e Ihowa ki tō iwi mōrehu

E inoi atu nei

Arahina mātou e Ihowa

Ki roto ki tō aroha (x2)

Ataahua

Kia mahea ngaa ara ki te oranga

Kia mahea ngaa ara ki te oranga 

Kia whakina ngaa hua o te tika, o te pono, te pono. 

Me te tumanako ki te atua, te aroha.  

E Ihu maaturu mai ana 

Kia tapuu too ingoa 

Tukua mai raa he maaramatanga e 

Kia Whakamoemiti ki a koe! 

Kia mahea ngaa ara ki te oranga 

Kia whakina ngaa hua o te tika, o te pono, te pono. 

Me te tumanako ki te atua, te aroha.  

Te Wharekura o Maunurewa (Waiata Tira)

 

D-Bm-G-A

Hauāwhiowhio,

Tāniwhaniwha te moana.

Tohua a mai rā, i te parekura.

Pupū ake ana, te wairua matapoporehia.

Te tangi a Papa te haumatakataka.

Hūkerikeri ana, kawea mai te ua marangai.

Te tangi a Rangi, ki tōna ūkaipo.

Ka whakairohia i ngā arahou,

Ki runga ki te whenua.

Te tangi a Papa te haumatakataka.

E kore e hē ana,

taku manawa te aroha

ngā tau taunga, kua ngāro atu

Ka whakairohia i ngā arahou,

Ki runga ki te whenua.

Te tangi a Papa te haumatakataka.

(Original Tune: Love will Keep us alive by the Eagles and repopularised by Maoli)

Sung in memory of all those that suffered in cyclone Gabrielle, 2023.