Whiti mai ra

 Whiti mai rā e te kurawhiti me tō ātaahua 

Kānapanapa mai tō rerehua 

i te rangi ki runga 

 

Tērā te kurawhiti e 

Ka mihia te ata hāpara 

Hī ake ana te ataakura 

i te tangi manu e 

Whiti whiti mai rā e 

Mahuetia rā te pōuri 

Whakamaheatia te rangi ki runga 

Whiti whiti mai rā e 

 

Whiti mai rā te kurawhiti me tō ātaahua 

Kānapanapa mai tō rerehua 

i te rangi ki runga 

Tērā te kurawhiti e... 

Karakia - Whetū

Ko Puanga kei runga 

He whetū takitahi 

Ko te Maru o te tau 

He Hautuku

Ka ara anō Puanga 

He whetū takiata 

Ko tētahi o te tau 

He Hautapu

Ko Atutahi kei runga 

Te whetū tohunga 

Ko te matamata o te tau 

He Haupawa

Ko Rēhua kei runga 

Te whetū ariki 

Ko te matiti o te tau 

Hauora

Aue Ihoa

Auē Ihowa, tiakina tō iwi mōrehu 

E te whetū o te ata 

Tiro mai ki tō iwi e noho nei 

Huakina mai e koe 

Te ngākau, te manawa, huarahi 

Auē Ihowa auē, auē 

Manaakitia mātou 

Hei whakaū te waka nei 

Te rangimārie

Karakia - Matariki

Te Whetū o Waipunarangi

Haramai te kōnehunehu

Haramai te hāuaua

Haramai te hūkerikeri

Haramai te ua tātā 

------------

Te Whetū o Ururangi

E tū Ururangi

Ko te whānau pupuhi

Tū te winiwini, tū te wanawana

Kia puta ko te ora o Tāwhiringi

Koia!