Kua aaraitia

Kua āraitia e ngā pae maunga o Ruahine

Te rerenga o te hā o Tāwhiri

E taka marara ngā kura o te manu Huia

i runga, tē rere

 

Nei te reo aumihi ka rere e

ki a koutou nga kaihiko e

Tini whetu ki te rangi

Tini mano ki te whenua

Kua tau mai a Ngā Huia Kaimanawa

 

Kotahi te rere i te whenua Kauwhata

kia topa mai nei ki Te Marae o Hine

Whatiwhati taiaha te tohu o nehe

Kua houhou i te rongo i a taua e

Hī hā hī!

 

Nei te reo aumihi ka rere e

ki a koutou ngā kaihiko e

Tini whetu ki te rangi

Tini mano ki te whenua

Kua tau mai a Ngā Huia Kaimanawa

 

Ko Ruahine te maunga

Ōroua te awa

Tainui te waka

Ka tau ki uta hī!