Ko Rangitane e

 Ko Rangitane e

E tu to waka, nou ra, Whatonga,

ki runga i Te Mahia e.

Tau ra ki Heretaunga, ka moe i a Reretua

ka puta (ko) Tuatoki e

Ko Rangitane e

Tautoki-Ihunui-o-Whatonga

ka piri i a Waipuna e

ko te uri no nga tini whetu i te rangi

e tiaho ana e

Ko Rangitane e

Ka haere i te ara ko te tini mano e

ka haere i te riri, ko te mano ki te ara haere ai

Ko Rangitane e

Tahanga atu ra i nga haramaitanga

o runga o Manawatu e

Te Taperenui a Whatonga,

ko te pataka kai o te iwi e

Ko Rangitane e

Ka rarapa nga kanohi, e ko Wairarapa,

te karawhititanga e

Ko te kotahitanga,

te rangatiratanga o te iwi Maori e

Ko Rangitane e

Tukua Te Whakanan, tukua o whenua,

tukua ki a Kahungunu e

Tetere atu ra, whakangarutia ana

a Raukawakawa e

Ko Rangitane e

Kei puta te Waira, tu mai te Wairau

i te tihi o Tama e,

ko nga uri o nga tini whetu i te rangi

ki te whenua e

Ko Rangitane e

Ko Rangitane e

Ana, ana, hi!

Na Safari Hynes

Source: https://vimeo.com/301053156