E hoki ana aku mahara

 

E hoki ana aku mahara ki ngā rā o mua

I noho ai te iwi I ngā tahatika o Ōroua

E rere rā I te nuku o te whenua

I te hōkitanga I runga rā o Ruahine

 

E hoki ana aku mahara ki ngā rā o mua

I noho ai te iwi I ngā tahatika o Ōroua

E rere rā I te nuku o te whenua

I tō hōkitanga I runga rā o Ruahine

 

(Chorus)

Te wai kaukau o ngā tupuna

Te wai horoi kaka o ngā kuia

Te ara i haere ai ngā waka o rātou mā

Te wai I kite ai I ngā mahi a te makimaki tamariki

Ko te riripi kōwhatu, te kauhoe, te ruruku,

Ko te korikori ngā mahi tamariki

 

E rere raa i te nuku o te whenua,

I too hokitanga, i runga raa, o Ruahine

 

E tangi ana aku mahara ki ēnei mahi o mua

Kia noho tonu ai i te iwi ki ngā tahatika o Ōroua.

Mōteatea - Taku whare ahuru

 Taku whare ahuru

i te ao o te rangi

i te tuu Kawakawa

ngaa tihi Ruahine

e mihi e

Tutuki taku wae

ki te ara Aorangi

Whakawhiti Ooroua

te awa tipua

E huri, e piko

E mihi e

Miria taku maui

i te rapa Maniaihu

kotahi ki te toi

i te ara o te kura

e mihi e

Tuupana te haere

Papatahi ki te kuru

Mihia e te iro

o te urunga

Keekeke taku hono

E te ringa whakapapa

E nga rapa

o te whare Kauwhata

E mihi e

Paatata taku noho

Ki ngaa pou o roto

Waanangahia atu

Ki ngaa pou taupua

Ki nga pou taaiko

Ki ngaa pou o te whare

E mihi e

Piki ake piki ake

Ki ngaa heke o te whare

Piki ake piki ake

Ki ngaa koopiko o runga

Ki ngaa ngutu kaakaa

E mihi e

Hiihiko taku iho

i te mauri

o te whare

Hiikaka te manawa

i te pae o te hono

i te pae o Hoturoa

e mihi e