I te tauihu o te Waka o Rangi, ko Matariki
Ko Pohutakawa te tamāhine, te kaikawe o ngā mate
E rere ana Taramainuku, te kaihoutu
O te Waka o Rangi ki te kohi ngā apahau waiho e...i
I te kupenga tātai tuarangi nui
Ka whakapuputia rātou i te rua, he rua parauri, he pōkē, he wheuri
E taria e....i
I te whitinga o te rā, ko Matatahi
Ka ruirui i ngā mate ki te uma o Rangi
Kua whetūrangitia rātou, he Ikaroa, he huarahi
Me mihi ki ngā mana kei tua o te pae o maumahara, hei ha! Mānawatia Matariki mā Puanga
Te Matariki
He waiata nā Te Anatipa (Morvin) Simon
Te Matariki
E tū kōhikohiko mai ana i te rangi, i
runga
Te Matariki
Koia nei ko te tīmatatanga o te tau
Māori
Te Matariki
E whakaatuhia mai rā kia whakatōkia
te kūmara
Mihia ngā whetū me ngā hua korero
(Te Matariki, koia nei ko te tīmatatanga o te tau
Māori)
