Ara Tīhei mauri ora, E noho Ngā Wai Hono
E noho Ngā wai hono, te hiri o Waikato
E huri too kanohi ki te hauāuru
Ngā tai e ngunguru I waho o Te Akau
Auē hei auē!
Tō pikitanga ko te ao o te rangi
Tō heketanga ko Karioi maunga
Tō hoenga waka ko Whaingāroa
Auē hei auē!
Takahia atu rā te moana i Aotea
Kia whatiwhati koe i te hua o te miro
Te tihi o Moerangi te puke okiokinga
Auē hei auē!
E puia ki Kāwhia Moana
Ki Kāwhia tai, ki Kāwhia tangata
Ko te kupu tēnā a ō tūpuna
Auē hei auē!
E huri tō kanohi ki Pirongia maunga
Ki te rohe pootae ki Arekahanara
Ko te haona kaha o te Rungarunga rawa
Auē, hei auē!
Paakia oo ringa ki te Kauhanganui,
Te Paki o Matariki, ngaa whakaoati
Ko Kemureti raa toona oko horoi,
Auē, hei auē!
E tū tō wae ki te kei o Tainui
Tēnei too hoe, ko te Tekau-maa-rua
Ngā tai e marino I waho o Kārewa
Auē, hei auē!
E hoe tō waka ki Ngāruawāhia
Tūrangawaewae mō te Kingitanga
(Ko) te tongi whakamutunga a Matutāera
Auē hei auē!
Tāiri te aroha ia, hā hā!
Toro mai ō ringa me aroha tāua
Auē Hikitia! Auē Hāpainga!
Auē hei auē!
Ara tīhei mauri ora Hi!
